Pareho sa nahimong marching order ni Pres. Rodrigo Duterte, angay lamang sundon sa tanan ang mga lagda sa balaud ug likayan ang pag-demand ug special favor o treatment.
Sa usaka presser, gisugilon karon ni Palace Spokesperson Harry Roque nga bisan ang pamuno-nasud naga-insistir nga siya mismo mo-agi sa airport security checks ingon man mopahunong sa iyang presidential convoy diha sa mga traffic lights nga maagian sa byahe niini.
Kagahapon, nahimong viral ang gipakitang aktwasyon ni OFW Rep. Aniceto “John” Bertiz III kinsa nisupak sa security protocols sa Ninoy Aquino International Airport sa katarongan nga mga ‘Chinese-looking individuals’ wala man gipatangtang sa ilang gisul-ob nga sapatos sama sa sistemang naandan sa atong mga tugpahanan.
Sa isyung ‘crimes against humanity’ nga buot ipursige sa mga Duterte critics ngadto sa international human rights body, giklaro ni Roque nga walay basihan ang external forum sanglit padayon man nga niganar ang court and judicial institutions sa atong nasud.
“Hindi naman tayo katulad sa Burundi, sa Sudan…Di man siya (justice system) perpekto pero maayos naman tayo,” panapos nga pamahayag sa tigpamaba sa Malacañang.
RadyoMaN June Duterte
