Gisulod sa mga kawatan ang Rose bakeshop nga nahimutang likod sa Agusan del Norte Provincial Capitol, Brgy. Villakanangga ning syudad sa Butuan kagabie.
Gilimas sa wala maila nga kawatan ang salapi nga nibalor sa kapin P4,000 nga halin sa tindahan ug gitusak-tusak ang baligyang cake ug pan samtang gipang-inom ang mga soft drinks nga anaa sulod sa refrigerator.
Gibutyag ni Ford Ragasa, supervisor sa Rose bakeshop nga nadiskobrehan ang pagpanglungkab bandang alas 4 ang takna kaganinang kaadlawon atol sa pagbukas sa tindahan.
Sa Comfort Room (CR) miagi ang kawatan ug milampos kini sa iyang binuhatan. Adunay CCTV ang sulod sa establismento apan walay TV monitor mao’ng gipasubay pa kini sa IT expert aron makuha ang recorded video ug maila ug madakpan ang mga kawatan (with report arhcer capadeso/ivy falcone) [image: rose bik.jpg]
