Adunay ipahigayon nga mga aktibidades, community service ug fund raising activity ning syudad ang Rotaract of West Cagayan de Oro.
Kini ang gibutyag ni Atty. Jenny Uplinger, ang Rotary Club of West Cagayan de Oro, Director for Public Image.
Matud ni Atty. Uplinger, ang Rotar act ang kabahin sa Rotary International Organization, sama sa Rotary club of West CDO nga kabahin sa umbrella organization nga rotary International.
Tumong sa maong aktibidad ang makahimo og community service nga adunay slogan nga ‘’service above self’’
Adunay ipahigayon nga garage sale ang Rotaract of West Cagayan de Oro, matag adlawng Biyernes ug Sabado sa gabei sa Cogon ning syudad.
Kini ang gibutyag ni Louiesse Espinosa ang Public Image Project Chairman sa Rotaract.
Matud ni Espinosa ang kita niini ang mapadulong sa katawhan nga nanginahanglan, sama sa mga tunghaan nga kulang ang pasilidad.
Dugang pa ni Espinosa, nga karong adlawng Lunes Hulyo 29 ning tugia aduna silay ipahigayon nga aktibidad sa Macabalan Piaping Itom ning syudad, nga mao ang book and toys donation.
Kini ipaambit ngadto sa mga benepisyaryo base na usab sa rekomendasyon sa local nga pangagamhanan.
Samtang gadawat pa karon og mga toys ug book donations ang Rotar act of West Cagayan de Oro.
Matud ni Jerby Lanihon sa Rotar Act, nga kung aduna may buot nga mag-donate ihatud lang kini sa ilang buhatan sa Swift Lift.
Dugang pa ni Lanihon nga gawas sa toys and book donations, adunay himoon ang Rotar act nga first ever musical fund raising events.
Tungod niini, giaghat karon ang mga local bands ning syudad aron sa pagsalmot sa maong kalihukan.
Kini nga aktibidad ang gitawag nga ‘’DUYOG’’
