Roxas City, Capiz- May yara sang paathag ang pamunoan sang Roxas City DepEd Division angut sa kontrobersyal nga pagpanghatag sang hilaw nga lakatan nga saging sa mga estudyante nga kabahin sang school based feeding program para sa mga malnourished nga mga kabataan.
Aminado si Dr. Ferdinand Sy, Assistant Schools Division Superintendent nga hilaw man gid ang napanagtag nga saging bangud wala ma-antisipar ang inadlaw sang shipment sini nga halin pa sa Davao.
Ginpunto ni Sy nga mas maayo nga ihatag na lamang ini nga hilaw kumpara nga taguon kag sila ang pagabalikan pa sang isyu.
Henyo sini sa tanan nga indi lamang pagbutangan sang malisya ang amo nga bagay.
Samtang iya nga ginpanugyan sa mga tagreklamo nga kun may concern ang mga ini, mas maayo nga i-direkta na lamang sa nagakaigo nga venue ukon talatapan sang DepEd.
Mahibaluan nga nagpalab-ot sang concern sa sini nga stasyon ang mga ginikanan nga nakabaton sang tinapay kag hilaw nga saging nga kabahin sang feeding program sang nasambit nga ahensya.
