Roxas City, Capiz – Padayon nga nadugangan ang numero sang confirmed cases sang COVID 19 sa probinsya sang Capiz basi sa update nga ginpaguha sang Capiz Provincial Health Office(PHO).
Sa kabug-osan nga kaso nga 77, ang syudad sang Roxas ang may yara sang pinakadamo nga kumpirmado nga kaso nga naglab-ot sa 19 ka bilog.
Ginsundan ini sang banwa sang Tapaz nga may siyam(9); Jamindan kag Pontevedra nga may tig-walo(8) ka kaso; Maayon, Mambusao kag President Roxas nga may tig-apat(4) ka mga kaso sang corona virus disease.
Ang mga banwa sang Cuartero, Dumalag, Dumarao, Panit-an kag Pilar ang nakabalhag sang tig-tatlo(3) ka mga kumpirmado nga kaso sang COVID-19.
Ang banwa sang Panay kag Sigma ang may tig-duha(2); banwa sang Dao kag Ivisan may tig-isa(1) ka kaso samtang ang banwa sang Sapian ang wala pa sang nalista nga nagpositibo sang corona virus disease.
