Gireklamo sa usa ka vendor sa itlog sa merkado sa Puerto ang Roads and Traffic Administration kon RTA ug mga sakop sa City Economic Enterprise Department kon CEED.
Kini human kagahapong adlawa, gipangpas-an niini ang iyang mga baligyang itlog.
Matud sa tag-iya nga si Mary Ann Rambuyo, 34 anyos, minyo, taga Purok 5 Puerto ning syudad, nga gi-especial sa pagkuha kagahapon ang iyang mga itlog nga walay mga papel nga gipakita.
Dugang pa ni Rambuyo nga personal na ang motibo sa CEED sa pagkuha sa iyang baligyang itlog bisan og aduna siyay business permit.
Samtang, giangkon ni Orchered Berondo ang Manager sa CEED Puerto nga tinuod nga adunay business permit ang complainant nga si Mary Ann Rambuyo.
Apan matud ni Berondo nga dili siya ang nag-ingun nga peke ang business permit ni Berondo.
Dugang pa ni Berondo nga ang gibutang nga business permit ni Rambuyo alang sa stall holders dili gikan sa CEED, dili business permit gikan sa merkado kundili alang sa iyang private nga tindahan.
Nasayran nga ang business permit alang sa mga stall holders, adunay stall number.
Nasayran usab nga dili legitimate stall holder si Rambuyo kundili usa ka sidewalk vendor.
Ang nahitabo kagahapong adlawa usa ka operasyon sa RTA, kapolisan, ug team sa CEED aron sa pag-turn over sa mga stall ug clearing operation apan tungod kay migamit og dili iyang stall si Rambuyo hinungdan nga gi-special siya sa pagdemolish kagahapong adlawa.
