Midonar ug dugang bag-ong bus ang Rural Transit Mindanao, Incorporated o RTMI sa Kagamhanang Probinsyal sa Bukidnon.
Personal kini nga gidawat ug gi-inspeksyon ni Provincial Gov. Jose Ma. R. Zubiri, Jr. uban si Vice Governor Rogelio N. Quiño ug sa mga membro sa Sangguniang Panlalawigan diin ang bag-ong bus giparada sa atubangan sa SP Building, Kaamulan Capitol Ground, Malaybalay City.
Malipayon ug mapasalamaton usab PGB, ngadto sa mga kadagkuan sa RTMI nga girepresentahan ni RTMI Yacapin Branch Manager sir Jessie Boy Lentorio diin uban usab kini sa paghatud sa maong bus. Ang maong bus gikan pa kini sa ilang main branch sa Bacolod ug gibyahi hapit sa Cagayan de Oro paingon sa probinsya sa Bukidnon.
Kahinumduman nga kini ang ikaduhang bus nga gidonar sa maong kompanya apan mas gamay kini sa unang bus diin kini maka-akomodar sa 45 ka mga pasahero.
Ang bag-ong bus dako kaayo ug ikatabang sa probinsya ilabi na sa paghatud sa mga serbisyo sa kagamhanang probinsyal sa Bukidnon.
