Davao City – Gikadismaya sa pipila ka mga residente sa Barangay Inayangan, Calinan District, syudad sa Davao tungod kay wala makadawat sa financial assistance gikan sa lokal nga panggamhanan human naapektohan sa African Swine Fever (ASF) Virus ang mga binuhing baboy.
Sa interview sa DXDC RMN Davao kang Inayangan, Brgy.Kapitan Lilia Ruta, dunay pipila ka mga nanag-iya’g baboy sa iyang Barangay ang nadismaya tungod kay wala matunuli sa maong hinabang.
Matud ni Kapitan Ruta, 2,064 lamang ang nakadawat ug hinabang gikan sa 17 ka Purok, samtang dunay 17 pa ka Purok, ang wala maapil sa survey sa City Veterinarian Office ug Department of Agriculture (DA-XI).
Malaumon si Ruta, nga himoon ang laing survey sa ubang purok sa iyang barangay tungod kay duna pay nangamatay nga baboy tungod sa maong virus.
RadyoMaN Don Pulayao
