Davao City – Maayo ang nahimong resulta sa pagsugod sa unang adlaw sa klase sa pagpatuman sa New Blended Learning sa Department of Education (DepEd) nga gisugdan sa tibuok Pilipinas kagahapong adlawa, October 5, 2020.
Matud ni University of Immaculate Concepcion Professor Danilo Baradillo nga nindot ang nahimong dagan sa opisyal nga pag-abli sa unang adlaw sa blended learning class.
Segun ni Professor Baradillo nga hangtud karon wala pa siya’y nadungog nga taho sa media outlet ug social media nga gisaway sa publiko ang blended learning system sa nasudnong gobyerno.
Ug kini tataw kaayo nga nadumala og maayo sa DepEd ang ilang opening sa blended learning class nga gibahin sa tulo ka sistema nga mao ang online, modules, ug radio-based instruction.
Ang pag-uktaba sa paghikyad sa klase naghatag og igong panahon sa departamento sa edukasyon aron mapreparahan og maayo ang gikinahanglan nga mga gamit sa blended learning system.
Malaumon ang maong magtutudlo nga kung unsa man ang nasugdan sa unang adlaw sa pag-abli sa klase mao usab sa tunga-tunga ug sa katapusang adlaw sa 2020-2021 school year.
RadyoMaN Joel Viray
