Ang pag-uga sa atong mga ngabil maoy kasagarang kondisyon nga atong nasinati sa maski kinsa man, labi na sa bugnaw nga panahon kung diin ang bugnaw nga hangin ang hinungdan sa pag-uga.
Tungod niini, mamahimong magbaton kita ug mga samad sa ngabil ug isa kini sa mamahimong hinungdan nga dili nindot ang kondisyon ug dili presentable nga itsura.
Gawas niini, mamahimong makahatag kini ug impeksyon ug pwede magresulta sa Luas.
Para malikayan ang pag liki-liki sa imohang ngabil, pwede nimo sundon ning mga 3 ka tip nga amoang giandam para nimo.
1. AYAW SIGEG TILAP SA IMONG NGABIL
Ayaw pirmamintiha nga imong sigehan ug basa ang ngabil pinaagi sa laway tungod kay mao kini ang makapasamot sa pag liki sa imong ngabil. Imbis imong likayan ang pag uga mao nuon kini ang makapasamot sa kondisyon.
2. KUNG NAMANIT ANG IMOHANG NGABIL, AYAW KINI SAMUTI UG PANIT
Kung namanit man ang imohang ngabil, likayi nga imoha kining kutkuton o panitan gamit ang imong kamut o ngipon. Pasagdi lang kini nga mapakpak ug iyaha.
3. GAMIT UG LIP BALM O PETROLEUM JELLY
Imbis nga basaon og laway ang imong ngabil o kaha panitan ang namanit nga ngabil, butangi hinuon kini ug lip balm. Ang lip balm mao ang makapahumok sa imong lips ug magpabilin ang pag moist sa panit sa ngabil. Kung wala may lip balm, epektibo pud nga gamiton ang petroleum jelly tungod kay isa kini sa makapaayo sa nag uga ninyo nga ngabil.
Kung duna pa kamo’y laing nahibal’an nga pamaagi kung unsaon arun malikayan ang mga liki-liki sa ngabil, pwede ninyo kining i-comment sa ubos.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
