Safe Davao QR: Makadawat og message dili required mag quarantine

36

Davao City – Giklaro sa City Government of Davao nga dili required nga mag quarantine ang mga indibidwal nga makadawat og mensahe gikan sa Safe Davao QR (DQR).

Sa SafeDavao QR Facebook page, gitataw nga dili kinahanglan nga mo-absent sa trabaho o musulod sa quarantine facility human makadawat og mensahe tungod sa posibleng exposure niini sa Coronavirus Disease 2019 (COVID-19) patient sa usa ka lugar.


Kinahanglan lamang mahimong kalma ug panind-an ang masinating sintomas sama sa kalintura, ubo, kaluya, kalisod sa pag ginhawa, kalibanga, walay pang-amoy ug walay panlasa.

Kung aduna man, muadto ug mo-report gilayon sa pinakaduol nga Barangay Health Center o District Health Office alang sa assessment.

Pwede usab nga manawag sa COVID-19 Operation Center (OpCen) sa musunod nga mga numero:

SMART: 0919 071 1111 / 0939 340 5675
GLOBE: 0927 604 5797 / 0906 367 4671




Kinahanglan usab nga istriktong tumanon ang health protocols sama sa pagsuot og face mask, face shield, social distancing, disinfection labi na sulod sa opisina o trabahoan.

RadyoMaN Kirby Manzon

Facebook Comments