Usa lamang ka bacterial infection ang sakit nga Meningococcemia.
Kini ang gibutyag ni Doctor David Mendoza, ang OIC sa Department of Health kon DOH region 10.
Apan matud ni Doctor Mendoza nga infection niini anaa sa dugo ug motakod kini sa usa ka indibidwal, pinaagi sa pag-ubo, paghatsing ug paghalok.
Dugang pa ni Doctor Mendoza, kasagaran sa matakdan niini mao ang mga tawo nga hinay ang resistensiya.
Nasayran nga kasagaran sa mga sintomas niini mao ang taas ug kalit nga hilanat, ubo, karat ang tutunlan, puntik-puntik nga pulapula sa lawas nga kung magdugay modagko ug manlagom, masamad ug malata.
Samtang gawas sa Meningococcemia, makitaan usab ang tawo nga adunay sakit niini sa sakit nga Meningitis.
Matud ni Doctor Mendoza nga kung madaug ang immune system sa usa ka tawo maminus usab ang depensa nga maoy hinungdan sa pagkasakit.
Nasayran nga kung ang usa ka tawo makaduol sa adunay sakit nga Meningococcemia ug mahanggab niini ang pag-ubo, paghatsing, o malagsikan sa laway atol sa pag ubo dinhi na matakdan ang usa ka indibidwal.
