Dinas, Zamboanga del Sur – Nasapon sa kapulisan ang usa ka lalaki nga igmat nga miyembro sa criminal group nga nalambigit sa insidente sa pagpangdagit sa probinsya sa Zamboanga del Sur.
Base sa nahipos nga impormasyon sa RMN Pagadian gikan sa Dinas Municipal Police Station giila ang suspetsado nga si Esmael Jamarol Halid.
Naaresto ang suspek sa gisita nga search warrant operation sa tropa sa Zamboanga del Sur-Provincial Mobile Force Company, Regional Special Operation Group, Regional Mobile Force Company uban ang kapulisan sa lungsod sa Dinas diin didto kini natigayon sa Purok Tula-Tula, Barangay Tarakan, Dinas ning probinsya.
Nasayran nga wanted usab si Halid sa mga kasong qualified theft ug malicious mischief diin nakuha sa iyang posisyon ang usa ka unit sa caliber .45 pistol, magazine ug mga bala.
Sa record sa kapulisan, nigawas nga nalambigit sa insidente sa kidnapping niadtong 1980s si Halid rason nga naapil siya sa listahan sa mga “notorious criminal” nga naglihok sa probinsya.
Gipasalak na sa selda sa Dinas-Municipal Police Station ang dinakpan.
