General Santos City—sikop sa operatiba sa Tboli PNP ang gialigarang miyembro sa New People’s Army (NPA) kansa nag-atubang ug patong-patong nga kaso alas 11:45 sa buntag kagahapong adlawa sa Sitio Tabudtud, Barangay New Dumangas, Tboli, South Cotabato.
Giila ang suspek nga si Rey Mallo Blasé, sakop matud pa sa Guerilla Front 73, Far South Mindanao Region (FSMR) subay na usab sa warrant of arrest sa kasong Arson nga dunay Criminal Case number 7502-TB ug warrant of arrest sa kasong kidnapping and serious illegal detention nga may criminal case number 7200-SN nga una nang gipagula ni Hon Lorenzo F Balo sa RTC Branch 26, Surallah, South Cotabato.
Sa report sa kapulisan ang suspek maoy responsabli marud pa sa pagkuha kang PFC Khen Subere nga nakabase sa 27th IB, PA Kansan gibuhian didto sa Maasim, Sarangani Province niadtong mga nakalabayng tuig.
Sa kasamtangan ang suspek, balhog na sa silda sa Tboli PNP ug Commitment Order nalang ang gipaabot aron nga mabalhin na ang nahisgutan ngadto sa South Cotabato Provincial Jail.
