Sakop sa Partido PDP Laban sa CdeO, nanumpa na

55

Pormal nang nanumpa sa ilang bag-ong katungdanan sa gobyerno ang mga opisyal sa Cagayan de Oro nga sakop sa Partido PDP Laban nga midaog sa eleksyon niadtong Mayo 13.

 

Kini nga oath taking nahitabo kagabi-e June 12, sa Xavier Estate Country club.


 

Si president Rodrigo Duterte, mao ang nagpapanumpa nilang Congressman Rolando Uy sa first district sa Cagayan  de Oro, Mayor Oscar Moreno ug Vice Mayor Joaquin Rainier Uy.

 

Lakip sa nanumpa sa ilang mga katungdanan, ang mga City Councilor elect, sa firs district sa Cagayan de Oro nga silang George Goking, Jay Pascual, Romeo Calizo, Edna Dahino, Roger Abaday ug Reuben Daba.

 

Sa second district, nanumpa usab silang Girlie Balaba, Suzette Magtajas-Daba, Edgar Cabanlas, Malou Gaane, Teodulfo Lao Jr.  ug  Enrico Salcedo.

 

Si controversial Councilor Zaldy Ocon sa first district sa Cagayan  de Oro ug Ian Mark Nacaya sa second district ang No show sa maong oath taking Ceremony.

 

Gi-ila ni Mayor Moreno nga usa ka special day ang ilang oath taking ceremony kay si Presidente Duterte gayud ang nagpapanumpa kanila sa adlaw sa Independnece day.

 

“We are so grateful” matud ni Moreno.

 

Apan matud ni Moreno nga duna pay ilang ika duhang oath taking Ceremony sa June 30 nga diha nila ipahigayon sa Kiosko sa Divisoria sa dili pa siya molingkod sa iyang ikatulong termino sa July 1.

 

Matud ni Moreno nga atol sa ilang ika duhang oath taking sa June 30,  iyang gi-imbitar si kanhi Senate President Aquilino “Nene” Pimentel Jr.

 

“We started a mass and then we  invited Former Senate President Nene Pimentel and we will go through the same process on June 30. I really wish that kay ang first two terms nako it was Senator Nene Pimentel ang nag oath sa ako” matud ni Moreno.

Facebook Comments

From Advertisers