By: Joanna Ricote
Hingpit na nga gipasakaan sa kasong murder ang usa ka sakop sa Philippine airforce nga mi-unay pagpusil patay sa iyang kauban.
Matud ni SPO2 Elmar Patindol, ang investigator sa police station 8 Lumbia, nga nagsilbing complainant sa suspect ang mismong misis sa biktima nga si SSgt. Renante Blanco, nga taga Angeles City Pampanga.
Mahinumduman nga niadtong December 8, dihang napusilan sa suspect nga si Airman 2nd class (A2C) Reymart Noquera, na taga Fairview Quezon City, ang biktima nga si SSgt. Blanco, samtang kini nag inom sulod sa Philippine Air Force Headquarter nga nahimutang sa Brgy. Lumbia Airport.
Na-angkon sa biktimang si SSgt. Blanco ang samad pinusilan sa iyang ulo nga bahin nga maoy hinungdan sa iyang kamatayon.
Mikabat sa 16 ka mga basiyo sa 5.56 nga armas ang na recover sa kapulisan, lakip na mga basiyo sa ilimnong makahubog.
Sa kasamtangan, gihulat nalang sa kapulisan ang resulta sa paraffin test sa biktima ug suspect, samtang ang suspect nga si A2C Noquera, ang pabiling naka kustodiya sa 4th Infantry Division Philippine Army.
