Sirawai, ZDN- Pormal na nga gipasakaan ug kaso ang usa ka person of interest nga mipusil sa biktima nga trabahante ra usab sa DACON Company sakop didto sa lungsod sa Sirawai.
Kahinumduman nga si Enrico T. Menor, ang chief Security officer sa Plywood and Lumber Corporation (DACON Company) mao mismo nagdala sa person of interest nga si Romy Cabinom Paller, sakop kini sa Special Cafgu Active Auxiliary (SCAA) didto ra usab naka destino sa maong kompanya.
Base sa resulta sa imbisitigasyon sa Sirawai MPS ang biktima mao si Leopoldo Robles Duran Jr., taga Brgy. Lower Sulitan Naga, Zamboanga Sibugay ug empleyado sa Dacon Company.
Gibutyag pa sa imbistigador sa maong kaso mga 12:30AM niadtong adlawng Domingo Dec. 16, 2018, ang biktima nga si Leopoldo miabot kini sa post ni Romy nga kung diin niadtong higayona pipila lang ka gutlo ang milabay ang duruha nagkalalis kini sila nga misangpot pa sa pagdinumogay.
Dakong kakurat sa mga tawo sa palibot sa dihang na dungog ang masipa nga buto sa armas. Maayong pagkaigo sa lawas sa biktima, gisulayan pa kini ug dala sa balay tambalanan apan nakutloan kini sa iyang kinabuhi samtang naglawig sa kadalanan.
Sa pagkakaron padayon pa ang gihimong makuting imbistigasyon sa PNP Sirawai aron masayran ang tinuod nga hinungdan sa maong pagpamusil.
