Dumingag, Zamboanga del Sur – Naharang sa Boarder Control Point sa lungsod sa Dumingag niining probinsya sa Zamboanga del Sur ang sakyanan nga gikargahan sa smuggled nga sigarilyo dihang dapita sa Purok 1, Barangay Lower Landing, Dumingag alas 5:00 kagahapon sa buntag October 28, 2021.
Ang tropa sa Dumingag MPS uban sa 1st Provincial Mobile Force Company maoy nimontar sa checkpoint/border control agig pagsunod sa Executive Order No. 2021-32 og didto naharang ang Nissan Navara pick-up color itom, nga nagtangag sa plaka AL 5784, rehistrado sa pangalan ni Abdelman Abajain Saddari.
Sa inisyal nga imbestigasyon gikan sa Ipil, Zamboanga Sibugay ang moang sakyanan kun asa nisulay pagsulod sa probinsya bisan walay tukmang dokumento ang driver niini busa dihang girikisa sa otoridad didto nadiskobrehan ang karga nga napulo ka kahon sa (San Marino Cigarettes) nga miihap sa 500 ka rims nga mokantidad sa (Php 160,000.00).
Ang smuggled nga sigarilyo lakip ang mga sakay niini gidala sa Dumingag MPS samtang ang mga item nga nakumpiska gikatakda nga e-turned over ngadto sa Bureau of Customs, Zamboanga City.
