Davao City- Butane gas nga nabuwad sa naglagiting nga kainit maoy rason sa pagbusikad sa usa ka kotse samtang nagpark sa usa ka mall sa Ecoland, Davao City niadtong Sabado pasado ala una sa hapon.
Ang kotse nga Kia Sedan nga gipanag iyahan ni Mr. Nestor Marzan Lopez nga taga Manay Davao Oriental giparking sa maong mall human makapalit ug butane gas sa Victoria Plaza.
Nagkasinabot ang managtiayon nga una muuli sa Davao Oriental nihapit sila sa mall aron pangitaon ang dugang mga items nga ilang palitunon ug samtang karga ang gas stove ingun man ang lata sa butane sa likuran nga bahin sa sakyanan.
Samtang didto sulod, mao na lamang ang ilang dakong katingala nga mibusikad ang ilang kotse ug base sa inbestigasyon sa EOD team sa DCPO, ang butane gas nga nabulad sa init ang hinungdan sa pagbusikad.
Maayong pagkabungkag sa salamin nga bintana sa maong sakyanan samtang way nasamdan sa maong panghitabo.
Kasamang Erin Lumosbog
