Tabina, Zamboanag del Sur – Swerteng naluwas sa pagpamusil ang usa ka negosyante nga nag-laraw nga molansar sa Barangay ug Sangguniang Kabataan Elections human gipaulanan og bala sa wala mailing mga responsable ang iyang bodega nga nahimutang dihang dapita sa Purok Sidlak, Brgy. Capisan sakop sa lungsod sa Tabina sa probinsya sa Zambaoanga del Sur.
Giila ang biktima nga si Mario Sajulga, residente sa Brgy. Matin-ao , Pitogo , niing probinsya kanhi barangay kapitan sa maong lugar og naplano nga mokandidato sa umaabot piniliay isip punong barangay.
Sa inisyal nga imbetigasyon nasayran nga samtang gikuha sa biktima ang battery sa iyang sakyanan nga giparking sa sulod sa bodega kalit nga niabot ang armadong kalalakin-an og sa walang langan gipaulanan sa bala sa M16 rifle ang nahisgutang bodega.
Nakuha sa dapit nahitabuan ang 42 ka basiyo bala sa naasoy nga armas naluwas ang pamilya sa biktima anaa sa sulod nga sa bodega nga nalingaw paglantaw sa salida sa television.
Gisundan na karun sa kapulisan sa lungsod sa Tabina ang maong hitabo arun sa posibleng pagsikop sa mga nihimo sa pagpamusil.
