BACOLOD CITY – Nadakpan ang ginakabig Level 2 High Value Target sa bilog nga Western Visayas sa ginpatigayon nga drug buy bust operation kahapon sa Brgy. Estefania, Bacolod City.
Nakilala ang suspek nga si Andresito Palabrica Jr., residente sang Brgy. Rizal, La Paz, Iloilo City.
Ginpahayag nga ang suspek, isa man gali ka salaligan sang Prevendido Drug Group nga naga-operar sa ciuad sang Iloilo.
Ang buybust ginpatigayon sang City Drug Enforcement Unit sang Bacolod City Police Office sa pagpanguna ni P/Insp. Adrian James Albaytar, Assistant Team Leader.
Nakuha sa possession sang suspek kag sa iya live-in partner nga si Joan Villasor ang 5 ka bulto kag 5 ka long heat-sealed sachet sang suspected shabu nga may market value nga kapin P300k pesos.
Sa karon ginahanda na ang kaso nga violation sang RA 9165 ang igapasaka batuk sa mga suspek./dyHB BACOLOD
