BACOLOD CITY – I-suggest ni Association of Barangay Captain (ABC) President Noli Villarosa sa Department of Interior and Local Government (DILG) nga dapat salaon ang mga gusto magpapili sa nagahilapit nga Barangay kag SK Elections.
Para Villarosa importante ang pagsala para mapasiguro nga wala sang mga durugista kag iligalista nga magaintra sa election.
Una na nga ginpahayag sang Commission on Elections (Comelec) nga 85% na sila nga preparado sa para sa piniliay.
Suno kay DILG Usec. for Barangay Affairs Martin Diño – nga padayon lang ang preparasyon nila bangud nga wala naman diri sang advice nga e-postpone ang eleksyon gikan sa Malakanyang ukon sa Kongreso.
Samtang, ginpahayag ni COMELEC spokesman James Jimenez nga ang ila nalang sa karon nga concern amo ang ila pagpanghanda sa area sang Mindanao sa diin nagapadayon naman ang Martial Law.
Sa idalom sang Comelec Resolution gintalana ang eleksyon sa maabot nga Mayo 14, 2018. Ang filing sang Certificate of Candidacy naman sa April 14-20. Ang campaign period naman gintalana sa May 4-12.
Magalab-ot naman sa 55 million ang magapakigbahin sa sini nga tuig nga piniliay.
