Davao City – Gikalipay sa usa ka empleyado ang gikatakdang pagpatuman sa ika-upat nga tranche sa salary increase alang sa mga government workers sa bulan sa Pebrero ning tuiga.
Sa pakighinabi sa DXDC RMN Davao kang Erwin Cagape, usa ka government employee gikan sa buhatan sa Public Employment Service Office (PESO) Davao, gisaysay niini nga ginalauman na kini sa mga empleyado sa gobyerno ug gi-apil na usab nila kini sa ilang budget.
Matud pa ni Cagape nga sa iyang bahin, mas dako ang iyang ma-save labi na nga naga-ipon kini alang sa kaugmaon sa iyang pamilya ug aron aduna kini magamit panahon sa panginahanglan.
“Actually, 4th and last tranche na siya sa scheduled yearly increase, so gina expect na na namo nga mga nasa government. Siguro ang uban gi anticipate na na nila nga earnings ug gi apil sa budget. Pero sa akong kabahin, I still hold on to my principle of living within my means. So ginapaigoan lang nako ang unsay madawat nako monthly aron dili magkaproblema.” segun ni Cagape.
Nasayran nga gikatakdang mapatuman na ang ika-upat nga tranche sa salary increase alang sa mga government workers sa sunod bulan.
RadyoMaN Kirby Manzon
