Salvao na tiroteo el un persona

12

Ya salva na muerte el un persona despues conele ya tira el uno del dos su enemigo na Ayala del Domingo denoche.
Maga pulis ya puede tambien aresta con el dos persona despues del incidente.
El pulis na nombra con el dos suspechao como canda Junnix Laipan y si Jimmy Ocol
Con el victima ya conose como si Henry Mugar, 40, egual del mismo lugar.
Asegun con el pulis pasada alas 9 del noche el ayudanta di That si Annie Eijansantos ya tene discussion y el dos suspechao.
Amediante deste, si Mugar ya afasigua canila donde derepente ya lang ya soquia conele si Jimmy mientras si Junnix ya aranca su 9mm pistola y ya tira con Mugar pero nohay tupa.
Porcausa deste ya entabla si Mugar y ya reporta el incidente na pulis que ya resulta na aresto del dos suspechao.
Maga pulis ya recobri con el pusil y un bolo na possession del dos suspechao.
Calaboso ya ahora el dos y ay enfrenta caso na corte.

Facebook Comments