Davao City – Hingpit nang ipanghatod sa lubnganan karong adlawa ang tulo ka mga bata ug magsuong Nonoy kinsa gipangdunggab-patay sa ilang kaugalingong amahan sa Babak, Samal niadtong Agosto 2.
Kini ang gikumpirma sa inahan sa mga bata nga si Arlene Denoso atol sa interview sa DXDC RMN Davao diin sa Panabo City gikatakdang ilubong ang mga patyang lawas sa biktima.
Dugang niini, giingon naplastar na usab matud pa ang pagpalubong sa iyang tulo ka mga anak ug gani gitabangan usab sila sa pagpatambal sa iyang usa pa ka anak nga padayong nagpaalim sa balay-tambalanan.
Kahinumduman nga giingon sa suspek nga si Joel Nonoy, 40 anyos, nga wala matud pa siya nagmahay sa iyang gibuhat diin giingong daan na siya nagbahad nga pamatyon ang mga anak og di’ mouli ang iyang asawa kinsa mihawa sa ilang panimalay tungod gipasakitan usab sa suspek.
RadyoMaN Renz Barbarona
