General Santos City—angol ang nagpailang miyembro sa Moro National Liberation Front (MNLF) human nisuway ug sibat sa operatiba sa City Police Drug Enforcement Unit (CPDEU) atol sa gihimong operasyon sa may Lagao to Davao road junction Alabel Road, Barangay Lagao Gensan alas 6:20 ang takna kagabie.
Giila ang suspek nga si Wahid Lumimbang Bandan alias Dol, 28, residenti sa Buayan Townsite, Barangay Buayan, Gensan.
Narekober gikan sa posisyon sa suspek ang (2) ka sachet sa gituohang shabu nga nagkantidad ug P25,000.00. misuway pag sibat ang suspek sa kapulisan diin nahitabo pa ang ginukdanay mao nga nakaangkon kini ug mga bun-og ug samad sa lawas.
Kasong kalapasan sa R.A 9165 ang gikatakdang atubangon sa nasangpit nga suspetsado kansa balhog na karon sa silda sa Police Station 3.
