General Santos City–Padayong imbestigahan sa konseho ning syudad kung duna ba gyuy gakahitabo nga Extra Judicial Killings (EJK) dinhi sa Gensan human ang daghang kaso sa pagpamusil patay.
Gibutyag ni City kagawad Atty. Edmar Yumang- padayon nilang tun-an ang maong mga panghitabo aron sutaon gyud kung unsa ka tinuod ang gikaingong extra judicial killings sa syudad.
Kini matud pa sa pagpanguna sa komitiba sa peace and order sa konseho nga gipanguluhan ni kagawad Jeng Gacal. Nanghinaot si kagawad Yumang nga pinaagi sa imbestigasyon matubag ang duda sa katawhan bahin sa EJK.
Giangkon hinuon ni kagawad Yumang nga bisan pa man nasugdan na ang ilang imbestigasyon dili pa gihapon sila makahukom kung duna gyuy extra judicial killlings sa syudad. (Jordan Britos)
