Tak-om ang Sangguniang Panlalawigan sa probinsya sa Bukidnon kalabot sa pagpanday ug ordinansa nga magpatuman ug speed limit tungod sa nagkadaghang disgrasya sa lalawigan.
Sa interview sa RMN Malaybalay ngadto kang Board Member Gordon Torres, gibutyag niini nga aduna nay national law nga kinahanglan anaa lang sa 50kph ang dagan sa mga bus ug mga dagkong sakyanan.
Matud ni Torres nga sa iyang obesrbasyon sa Davao City hinay na kaayo ang 60kph nga makalangan usab sa pagbiyahe sa mga pasahero.
Samtang sa interview sa RMN ngadto kang Presidential Adviser on Political Affairs Francis Tolentino gibutyag niini nga dakong tabang ang pagpatuman sa speed limit.
Nasulayan na matud pa kini didto sa kauluhan nga naminusan ang disgrasya kada adlaw sa Metro Manila human gipatuman ang speed limit.
Sigun ni Tolentino nga dakong hagit usab sa mga mulingkod nga opisyal sa barangay nga bansay-bansayon ang ilang mga barangay tanod aron magsilbing force multipliers diha sa pagbantay sa kadalanan.
