ZAMBOANGA CITY–Envez alegria el celebracion del compli-año del un construction worker, ya queda sangrino despues el mismo quien ta celebra ya lansya consu dos maga compañero na trabajo ya resulta na muerte del uno y irido el otro, na barrio de Cabatangan enantes madrogada.
El ya muri amo si Ricky Tumankis mientras su primo si Arnel Odong irido y ya lleva na hospital.
El suspechao y amo el quin ta celebra compli-año amo si Rodel Resentis, 30, soltero de Lower Tipan, Ipil,Zamboanga Sibugay.
Na report del pulis ta aparese el suspechao y maga victima hunto ta trabaja na un construction site na Cabatangan y todo sila maga “stay-in” y ya man tomajan amediante el compli-año di Resentis.
Pero cuando egual ya buracho, ya men purpiajan estos hasta ya cay na cambiajan de golpe.
Gende contento, si Resentis ya saca puñal y ya lansya con el dos man primo que ya causa el muerte di Tumankis.
Con Resentis ya aresta el pulis y ya detene na Sta. Maria Police Station. –Dan Toribio
