Pinasubay sa nagkadako nga population sa Butuan City midaghan usab ang koleksyon sa basura kong diin gibutang sa dumpsite nga nahimutang sa barangay Dumalagan ning syudad.
Tungod niini, namiligrong maapektuhan ang katawhan ug kinaiyahan sa hugaw nga dala sa basura hinungdan gihingusgan sa lokal nga panggamhanan nga magbutang og sanitary landfill isip maoy muproseso sa hugaw o doga nga gikan sa basura aron hinlo na kining munaog ngadto sa creek sa naasoy nga dapit ug dili madaot ang mga tanum sa palibot.
Sa kasamtangan anaa na sa 53% ang dagan sa konstraksyon sa sanitary landfill diin bag-o lamang nahoman ang konstraksyon sa leachate pond ug gitutukan nang mahoman ang aeration pond, settling pond, retaining wall ug slope protection, reinforced concrete box culvert, storm drainage ug opisina alang sa mga personahe nga nakaassign sa dumpsite.
Kini nga proyekto isa sa paagi ug teknolohiya nga naglayon sa proteksyon sa kinaiyahan ug katawhan gikan sa hugaw sa basura nga gibutang sa maong dumpsite.
