Ginhatagan pagtamod sang head sang Department of Social Services and Development (DSSD) nga pwede man magpanagtag sang Social Amelioration Program (SAP) nga wala sang pa-lechon.
Ini ang pahayag sa DYHB ni Pacita TEro, matapos naglapta sa social media ang proposed budget sang Brgy. Banago para sa ikaduha nga tranche sang tagtaganay sang SAP sa diin nagalab-ot sa P232,050 ang pondo para sa pagkaon, tubig, kag iban pa nga butang lakip na ang P10,000 para sa duha ka lechon.
Suno kay Tero, pwede gid magpakaon ang barangay para sa mga magabulig sa distribution sang SAP apang indi man tuman ka garboso.
Samtang, ginpahayag sang DSSD head nga may bag-o nga guidelines sa pagpanagtag sang SAP sa diin ang isa ka venue ang dapat mag-akomodar lamang sang 1,000 benefeciaries sa diin may yara sang 15 ka workers.
Nahibaluan nga magabulig man sa tagtaganay ang Armed Forces of the Philippines kag Philippine National Police (PNP).
[image: image.png]
