Davao City – Magpadayon gihapon ang tinuig nga gift-giving sa City Government of Davao apan kini i-diretso na sa barangay aron malikayan ang dagsa sa katawhan.
Matud ni Davao City Mayor Sara Duterte-Carpio nga tumong niini nga malikayan ang Coronavirus Disease 2019 (COVID-19) diin nasayran nga subay sa milabay nga tuig anaa sa 30,000 ka indibidwal ang gilaumang mudagsa partikular na sa Taal sa Barangay Bangkal ning syudad sa Davao.
“Deretso na sa barangay (ang gift-giving). Ang barangay na ang mag identify kung kinsa ang most in need of the grocery pack. Walay distribution nga mahitabo, and walay tapok nga mahitabo didto sa Taal on December 25,” saysay niini.
Gibutyag sa Alkalde nga anaa sa 38,000 ka mga grocery packs ang gibahin sa 182 ka mga barangay diin gitunga usab depende sa ilang populasyon.
Subling gipahinumdom sa Alkalde nga likayan ang parties sa pasko o ang pagbaton og mass gathering nga posible’ng maoy rason sa COVID-19 surge sama sa paghimangno sa World Health Organization (WHO).
RadyoMaN Kirby Manzon
