Davao City – Dili basehan kung unsa nga design sa barrier kun harang ang ibutang sa motorskilo basta aduna lamang gyud kini barrier isip proteksyon batok sa Coronavirus Disease 2019 (COVID-19).
Matud ni Davao City Mayor Sara Duterte-Carpio, dakpon na ang mga motorsiklo nga wala nagbaton og barrier isip usa sa mga safety measures aron kalikayan ang pagkatag sa virus.
Nasayran nga nagpadala og bag-ong design sa motorcycle barrier ang City Government of Davao sa Inter-agency Task Force (IATF) nga mamahimong sundon sa publiko.
“Ang kinahanglan lang man nga naay barrier. Depende sa ilaha kung asa didto, kadtong naka-kabit sa motor na design sa IATF or kadtong pwede nimo suoton para dili kaayo delikado sa imuha as a driver ang driver ang barrier,” tataw sa alkalde.
Subay sa memorandum gikan sa Philippine National Police (PNP) alang sa backriding, gawas sa barrier kinahanglan usab nga magbaton ang driver ug sakay niini og face mask ug helmet.
RadyoMaN Kirby Manzon
