Davao City – Giklaro ni Davao City Mayor Sara Duterte-Carpio ang gikonsiderang bulnerableng sektor sa syudad sa Davao nga kinahanglang magpundo sa balay gawas sa lang sa mga importanteng rason sama sa pagpalit og pagkaon o medisina kung walay laing kauban sa balay.
Gibutyag sa Alkalde nga subay sa gipagawas nga Executive Order (EO) No. 58 Series of 2020 sa lokal nga gobyerno, gikonsidera na isip bulnerable’ng sektor ang 18-anyos pa-ubos ug 65-anyos pataas ug kadtong mga risgo tungod sa seryosong kondisyon o balatian.
“Gi-redefine nato ang vulnerable sector which means individuals below 18 years old and above 65 years old, and those with immunodeficiency, co-morbidity, other serious health risks, and pregnant women. Mao na siya ang atoang vulnerable age and vulnerable sector,” tataw sa Alkalde.
Gipasabot sa Mayor nga nagbaton og surge sa kaso sa Coronavirus Disease 2019 (COVID-19) ang syudad diin sulod lamang sa kapin bulan, gikan sa 200 ka COVID-19 cases, misaka ang kaso sa 800, diin nakita’ng nag-unang rason mao ang mga non-essential travels ug mga pagnagtapok kun mass gathering.
RadyoMaN Kirby Manzon
