Davao City – Sa usa sa iyang maha-it apan direktang palisiya kalabutan sa development sa dakbayan sa Davao, giluwatan karon ni Mayor Sara Duterte-Carpio ang iyang marching order ngadto sa mga construction developers.
Sa iyang tinuig nga mensahe sa katawhan, gisugilon ni Duterte nga tipik ug kabahin sa mga long-range plans sa dakbayan sa Davao mao ang pagpahalapad sa mga serbisyo-sosyal alang sa iyang mga residente pinasikad sa tanang mga lagda sa balaud.
“All developers must comply with the standards required by law on water run-off in water drainages,” pasidaan sa alkalde pinasikad sa kasinatian nga padayong pagbaha sa mga low-lying communities sa syudad sama sa La Verna Subdivision sa may Buhangin, ning syudad.
Sa pikas bahin, tutukan usab sa City Government sa 2019 mao ang pagpangita ug temporary sanitary landfill areas agig preparasyon sa full-compliance sa dakbayan sa bag-ong teknolohiya nga ‘waste-to-energy’ projects sama sa mga nagmalamboong kanasuran sa kalibutan sama sa Japan, Sweden, New Zealand, Germany ug uban pa.
Tutukan usab sa Duterte administration ang bag-ong mga drainage systems ug sewerage treatment facilities, pagsagop sa hugot nga kampanya kontra mga ‘single-use plastics’ nga unang gihulagway nga nag-unang kawsa sa polusyon ug pagbaha sa mga baradong kanal sa syudad.
RadyoMaN June Duterte
