Davao City – Gipanawagan karon ni Davao City Mayor Sara Duterte-Carpio nga dili na pasakyon ang pasaherong wala nag mask sa mga Public Utility Jeepneys (PUJs) dinhi sa syudad sa Davao.
Sa interbyu sa alkalde sa Davao City Disaster Radio, gimandoan niini ang mga PUJ drivers nga dili pasakyon ang mga pasaherong walay suot nga mask nga usa sa measures aron malikayan ang pagkatag sa COVID-19.
“Panaogon na [ang mga pasahero] because wala nasunod ang requirements nato nga wearing of mask. Isa na sa mga trabaho sa drivers nga ginapabuhat nato sa ilaha. To ensure nga naka mask, sanitize their jeep and order everyone sa social distancing,” saysay ni Sara.
Nasayran nga gawas sa pagsuot og face mask, hugot usab nga gina-implementar ang ‘social distancing’ sa mga pasahero diin una nang gisugyot sa alkalde nga butangan og tape ang lingkuranan aron hingpit nga mapatuman ang maong measure.
RadyoMaN Kirby Manzon
