Davao City – Igo lamang gituman sa lokal nga gobyerno sa syudad ang mando sa Department of Interior and Local Government (DILG) diha sa road clearing operation sa entero nasud.
Sa gihimong news conference human ang iyang 7th State of the City Address (SOCA), gipasabot ni Davao City Mayor Sara Duterte-Carpio, gikinahanglang tumanon at least ang 30% paghinlo sa mga sidewalks aron maagian sa mga tawo kun mga pedestrians.
Apan giklaro sa mayor nga dinhi sa dakbayan, gipangunahan kini mismo sa City Transport and Traffic Management Office (CTTMO) diin adunay mohangyo ngadto sa iyang buhatan nga unta dili usab maapektohan ang ilang negosyo o panginabuhi taliwala sa nagpadayong paghinlo sa mga obstructions diha sa kadalanan sa syudad sa Davao.
RadyoMaN Bernard Pantallon
