General Santos City— Dili kumbinsido si Sarangani Governor Steve Solon sa nahimong resulta sa SWS survey nga mukabat sa 54 porsyento ang nagtuong wala misukol ang mga nahimong target sa operasyon sa kapulisan rason nga sila napatay.
Sumala niya nga nag-una gyud nga mandato sa kapulisan atol sa operasyon, mao ang protektahan ang ilahang kaugalingon hilabi na kung mabutang sa alanganin ang ilahang kinabuhi.
Gani sa probinsya sa Sarangani hugot ang iyahang direktiba ngadto sa mga pulis nga ipatuman gyud ang taas nga pasensya batok sa mga kriminal, apan higayon nga musukol, unahon gyud nila ug protekta ang ilahang kaugalingon.
Pasigarbo ni Gov. Solon nga sa tibuok probinsya sa Sarangani, wala pa siya’y nadawat nga unsa mang reklamo bahin sa pagpangabuso sa kapulisan higayon nga adunay operasyon.
