Sarangani Province–Wala pa man pormal gi-abrihan ang MunaTo Festival 2018, ang mga kadagkuan sa global financial institution nga World Bank ang nibisita na sa Sarangani Province kagahapon.
Gipangunahan ang delegasyon sa World Bank sa ilang task team leader nga si Frauke Jungbluth (Fraw-ke Yong-bluth), usa ka German. Anaa pud si Department of Agriculture Regional Director Milagros Casis kauban si Governor Steve Chiongbian Solon aron bisitahon ang nagpadayon nga pagpasemento sa Malandag-Datal Batong Provincial Road sa lungsod sa Malungon, sa pagsuporta sa mga barangay og municipal officials gipangunahan ni Mayor Tessa Constantino.
May pasiunang pondo ang maong pagpasemento nga P120 Milyones ka pesos sulod sa dise-sais (16) kilometros nga dalan, kung diin P12 Milyon niini ang counterpart gikan sa Sulong Imprastraktura program ni Governor Solon og ang P108 Milyones ka pesos ang gikan sa Department of Agriculture ilalum sa PRDP kon Philippine Rural Development Program og sa World Bank.
Ang Phase 1 sa pagpasemento, anaa na karon sa 22% completion, ang maka-benipisyo sa unom (6) ka mga barangay sa Malungon gilangkuban sa Malandag, Datal Tampal, Atlae, Kiblat, Kibala og Alkikan. Samtang ang Phase 2 pohon human sa Phase 1 construction nga matapos mga bulan sa Hulyo sunod tuig ang musumpay gikan Alkikan padulong Barangay Blaan lahos na sa Barangay Datal Batong, Malungon una pa kini mukonekta sa dalan sa Miasong, sakop na sa Tupi, South Cotabato, likod sa Mount Matutum. Walo (8) ka barangay ang kinatibuk-ang maka-benipisyo.
