Sa interbyu sa DXDC RMN Davao kang Patrolwoman Corazon Palmes sa Sarangani MPS, giila niini ang biktima nga si Raymond Olarte De Arce, single, 38 anyos, taga Barangay Camahual, Sarangani, Davao Occidental.
Gisaysay ni Palmes, nitambong si Raymond sa usa ka okasyon sa kabanay niini, ug samtang anaa kini atbang sa balay kung asa gipahigayon ang okasyon, kalit na lamang kining gipusil sa wala mailhing suspek ug naigo kini sa iyang walang nawong rason sa iyang hinanaling kamatayon.
Naigo usab sa likod nga bahin si Flordelis Takiawan Forones, 43 anyos, minyo, taga Barangay Tucal, Sarangani, Davao Occidental ug daling gidala sa hospital.
Padayong pang ginaiimbestigahan sa kapulisan ang krimen diin wala matud pay nahibaloan ang pamilya nga adunay hulga ang biktima.
“Yung pamilya gi-interview, wala man daw sila na anohan (nahibal-an nga hulga). Na-shock lang pud sila nganong ingon ana,” sulti sa pulis.
RadyoMaN Kirby Manzon
