Ginikanan mas uyon kung i-require ang school uniform

Davao City – Mas giuyonan sa usa ka ginikanan nga i-mandatory o i-require ang uniporme sa mga estudyante sa pagsugod sa klase sa bulan sa Agosto 2022.

Sa interbyu sa DXDC RMN Davao kang Prescilla Fuentes, usa ka inahan nga taga Sasa, Davao City, gipasabot niini nga mas ma-identipika ang usa ka estudyante tungod sa uniporme niini.

“Mas gwapo gyud mag-uniform para ma-identify nimo taga asa ‘ni nga eskwelahan – taga Hizon ba ‘ni o taga Bangoy ba ‘ni, ana gani. Kay kung samantala kung magsibilyan ang ilang anak, gasto man gihapon na sa sinina, magsige ka’g laba,” saysay niini.

Kagahapong adlawa (Hulyo 18, 2022) sa dihang nagpagawas og statement si Vice President ug Department of Education (DepEd) Secretary Sara Duterte nga dili i-require ang school uniform sa pampublikong eskwelahan karong school year (2022-2023) aron malikayan ang dugang gasto sa mga ginikanan ilabina sa kalisod karong panahona tungod sa pandemya.

RadyoMaN Kirby Manzon