Davao City- Ugdaw ang usa ka sari-sari store, karenderya ug multicab sa Purok 2, Talomo Salakot, Barangay Talomo ning syudad human nasunog alas-2:45 sa kadlawon adlaw’ng Martes.
Sa pakighinabi sa DXDC RMN Davao kang SFO4 Ramil Gillado,Davao City Fire District Intelligence and Investigation chief , gibutyag niini ang nasunog nga residential building gipanag-iyahan ni Heracleo Banwa.
“Naa tay witness nga nakakita naay nag-spark sa ceiling sa sari-sari store nila ug niresulta sa pagkasunog,” matud niini.
Giila ang mga okopante nga sila Lenard Banwa ug Henry Matugas tag-iya sa sari-sari store.
Sa inisyal nga imbestigasyon, gilantaw nga electrical short circuit due to grounded wiring ang hinungdan sa sunog.
Mokabat sa P150K ang damyos ug walay nasamdan o namatay sa maong insidente.
RadyoMaN Aimee Guinita
