Davao City- Gibati ug tumang kalipay ug kamaya ang mga kabatan-onan sa Kilometer 10, Barangay Sasa ning dakbayan atol sa gipahigayong ‘RMN Oplan Pinaskuhan Alang sa Kabataan 2017’ sa DXDC 621 RMN Davao.
Mga top radio personalities sa DXDC nagpahigayun sa maong espesyal nga aktibidad aron lingawon ang kapin 200 ka mga kabataan sa maong barangay sugod kaganinang alas-7:00 ngadto alas-9:00 sa kabuntagon.
Gawas niini, nanghatag usab og giftpacks ang TEAM RMN ngadto sa 13 ka mga palarang batan-on.
Nakigduyog ang sibyahanan sa hiniusang tumong nga mahatagan og igong pagtagad ang mga kabataan isip kabahin sa kalamboan sa atoang katilingban.
Nasayran nga karong bulana, gisaulog sa nasud ang ‘National Children’s Month’ pinasikad sa Republic Act 10661 uban ang tema nga ‘Bata: Iligtas sa Droga’.
Nagsilbi usab kini nga sayong pinaskohan sa DXDC 621 RMN Davao ngadto sa mga kabatann hilabi na nga hapit na gayud ang kapaskuhan.
RadyoMan Abi Bibera
