Davao City – Plano karon nga mupasaka og kaso ang pamilya ni Lemar Suan Cano, ang suspek sa paglugos og menor de edad human kini nakaplagang wala nay kinabuhi sulod sa presohan sa Sasa PNP diin gikaingon nga kini naghikog.
Sa eksklusibong pakighinabi sa DXDC RMN Davao kang Maria Fe Cano, inahan sa suspek, gibarugan niini nga wala naghikog ang iyang anak ug nagtuo kining adunay nagbuhat sa krimen.
Sumala ni Maria Fe nga ayha pa man ang kamatayon sa iyang anak, gi-andam na sa ilang pamilya ang mga ebisensya nga magpamatuod nga wala nabuhat sa anak ang giingong paglugos sa 6-anyos ug nagkuha na usab sila og abogado aron mudepensa sa gi-atubang nga kaso sa anak niini.
Sa karon, padayong singgit sa pamilya ang hustisya ug padayon nga nanawagan sa kapulisan nga ibutyag ang kamatuoran sa kamatayon sa iyang anak.
RadyoMaN Kirby Manzon
