Davao City – Tungod sa problema sa gugma ang usa sa gilantaw karon nga hinungdan sa pagkutlo sa usa ka lalaki pinaagi sa paghikog alas-8:30 kagabie sulod sa iyang boarding house nahimutang sa may Purok 3, Magallanes Riverside, Brgy. 2-A siyudad sa Davao.
Base sa report gikan San Pedro PNP ang biktima naila nga si alyas Dodong, 18 anyos, usa ka stockman, netibo nga taga-Manay, Davao Oriental.
Sa imbestigasyon sa kapolisan, nasayran pag-abot sa kauban sa trabaho ug roomate sa biktima nga si alyas John nakita nalang niya nga wala nay kinabuhi ang biktima diin kini nagbitay na sulod sa iyang kuwarto ug gihiktan ang liog gamit ang tie wire.
Saysay niini nga sa wala pa nahitabo ang pagsuicide namatikdan ang biktima nga namroblema sa iyang hinigugma ug sige og hilak.
Walay nakitang foul play sa kamatayon sa biktima subay usab sa imbestigasyon sa kapolisan samtang ang patay’ng lawas niini gidala na sa Angel Funeral Homes ning dakbayan.
RadyoMaN Don Pulayao
