FLING RA KUTOB. Di ba dili ta gusto ani?
Idol, akoa ning gisuwat to remind you nga dili maayo ning fling o char-char lang. Posible man gud nga imo o iyang tumong kay ang makig-sex lang o mag-enjoy lang mong duha. Dili ba diay “commitment” o relasyong imong goal?
Basaha ni akoang listahan idol sa mga klase sa lalaki o babaye nga klarong fling lang ang tumong:
1. GABII RA MAKIG-KITA
Idol, kung motext o manawag siya kasagaran kay 11:00 pm o 12:00 mn o ba kaha worst, 1:00 am, ayaw pada aning klaseha sa tao. Kana pagyung dili planned. Unya moana lang nga chill mo o tagay lang. Hahayzt. Ayaw padala ani nila mga sizt and orb! K? Kabaw namo asa ni padung labi ma if makita nila nga interesado pud ka.
2. TEXT/CALL/CHAT RA KUTOB
Intawn idol og gusto niya nga magka-kamo, dapat makigkita uy. Bisag taga Lahug siya unya ikaw taga Apas ra, walay time? Way pamlete? Sige lang ingon busy pa o dili pa siya andam unya more than 1 year namong sige communicate? Don’t be a fool tawn sizt and orb! K? Unya ara ra mag-igat igat nimu sa video call. Hahayzt tawn uy!
3. ABOGADOHON MODA OG ISTORYA
Actions speak louder than words. Hinumdumi gyud na. Kanang moana nga gusto gyud daw ka niya, seryoso siya, love ka niya, etc. Maygad, ayaw padala. Tan-awa og maayo kung mo-coincide ba iyang mga sulti sa iyang buhat. If naa siyay ipangsulti unya dili tumanon dako ang chance nga fling-fling rana iyang tirada. K? You know what to do idol and please know your worth!
4. HIMOON KANG THIRD PARTY
Kani klaro na gyud kaayo ni. Kung love ka niya dili ka niya uyabon kay taken naman siya. Ayaw kog ingna nipitik iyang heart sa original ug nimu pud nga kabit? Ang kasingkasing will only beat for 1 person gyud, romantically speaking. Posible sa imoha, iyang reproductive organ ang nipitik. Bawahaha! Please ayaw gub-a imong kinabuhi tungod sa iyang mga pasalig. Palayo intawn! K?
Mao ni idol, para iwas sa fling o char-char lang ug iwas pud sa maoy ba, bantayi gyud imong kaugalingon aning mga klaseha sa tawo. Para di mahimong option lang ug maduwaan, learn to say no!
