Negatibo ang resulta sang paraffin test nga ginpatigayon sang PNP Regional Crime Laboratory sa ila nanday Councilor Agustin “Nene” Grande kag sa isa ka BPAT member nga si Joe Cezar angut sa kamatayon sang manghod kag hinablos ni Moises Padilla Vice Mayor Ella Garcia-Yulo.
Sanday Grande kag Cezar ang gindakup matapos sang natabo nga pag-ambush patay sa ila nanday Marc Garcia kag hinablos nga si Coun. Michael Garcia sang nagligad nga April 25, 2019 sa Hda. Dresden, Brgy. Inolingan, Moises Padilla samtang nagapatigayon sang kampanya ang bise alkalde.
Sa ginpatigayon nga press conferrence ginpahayag ni Grande nga wala siya sang kahilabtanan sa amo nga pag ambush, bangud sang natabo ang insidente ini siya ang yara sa Magallon Cadre kag malayo sa Inolingan kon diin ini siya ang nagapangampanya man.
Ginpahayag nga isa ka litrato ang ginpresentar agud pamatud-an nga si Grande ang yara gid man sa Magallon Cadre kag nagapangampanya.
Suno kay Grande nga ang pag-gwa sang resulta sang paraffin test nga negatibo, nagapakita nga wala siya sang kahilabtanan kag inosente siya sa amo nga pag ambush sa magtiyo nga Garcia.
Madumduman nga matapos gin-inquest ang iya kaso sadtong Abril 26, ginbuy-an man sang pagka gab-i si Grande paagi sa mando sang Provincial Prosecutors Office.
Ini siya ang gilayon nga nagtanyag sang 2.5 million pesos nga kwarta bilang reward sa makatudlo sa matuod-tuod nga suspek nga nagpatay sa magtiyo nga Garcia.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
