Padajon kuman na tag imbestigahan an pagpusil patay sa Sangguniang Bayan member sa Tubod SDN na inkilay an na si Felisberto Azarcon Dumadag , 48 anyos taga poblacion,Tubid SDN. Riding in tandem an mga suspetsado na mipusil sa biktima samtang nagstandby ini sa isa ka waiting shed kahapon sa may ala una y media an oras. Gidaya pa sa ospital an biktima na si Dumadag pero tungod sa grabe na igo sa bala sa 45 kalibre na armas na taggamit sa mga suspetsado ini namatay ra sa paghidangat pa sa ospital. Padajon pa na tag imbestigahan kuman sa mga otoridad an amu na bag ong insidente sa pagpamusil nan riding in tandem kon ini may kalambigitan ba sa illegal na droga labina kay an biktima unang nadakpan sa milabay na tuig sanan tagtudlo na high value target sa listahan nan PDEA og PNP. Lakip isàb na tag imbestigahan na anggulo an may kalabutan sa politika labina kay utro ini mikandidato kuman umabotay na eleksyon sa 2019.
