i Balita
September 07, 2019
(Photo from web)
SB SECRETARY SANG SARA NGA SI JAMES BALSOMO ALYAS JAGUAR NGA GINATUDLO DOWNLINE NI MASTER PEDIC BALUME SA IDALUM SANG ODICTA DRUG GROUP, PILASON MATAPOS NAGBATO SA KAPULISAN SANG GINPAIDALOM SA BUY BUST OPERATION
Suno kay Police Major Jonathan Pinuela sang Provincial Special Operations Group kag chief sang Provincial Drug Enforcement Unit ( PDEU) , ginpaidalom sa buy bust operation si Balsomo apang nagbato sa kapulisan kag nagpalupok sang armas luthang .
Bangud sini napilitan ang mga operatiba nga magbalos kag ginapahayag naigo si Balsomo sa dughan.
Suno pa kay Pinuela nga nga nabaklan sang P50,000 nga balor sang illegal nga droga si Balsomo kag base sa impormasyon, sa Negros ini nagakuha sang supply.
Narecover sa crime scene ang calibre 45 nga pusil nga ginapatihan ginapanag-iyahan ni Balsomo.
Sa pinakaulihi nga impormasyon, ginsaylo sa hospital sa syudad sang Iloilo si Balsomo.
Matandaan nga sang Agosto 2017, ginserbihan man sang search warrant sa ila balay si Balsomo bangud sang illegal possession of firearms and ammunition apang nakapalagyo.
Si James Balsomo alyas Jaguar ginatudlo downline ni Master Pedic Balume sa idalum sang Odicta Drug Group kag gin-identify nga High Value Target Level 2 drug personality kag nalakip sa listahan sang Directorate for Intelligence sa Camp Crame
