SCCCTS i-adoptar sang Sultan Kudarat, paglapta sang COVID-19 sa probinsya nakontrol.

20

Nakontrol ang paglapta sang coronavirus disease sa probinsya sang Sultan Kudarat partikular na sa banwa sang Isulan sa nalatnan sang manunudlo nga nabawian sang kabuhi tungod sa nasambit nga balatian.Ini ang nangin kumpirmasyon ni Sultan Kudarat Provincial Health Officer Gina Galinato.
Suno kay Galinato ini tungod sa ginhimo nga paglockdown sa mga lugar nga ginkadtuan sang nasambit nga manunudlo.
Sa subong suno sa iya yara sa walo ang active cases sa Sultan Kudarat base sa ila datos sang Agosto 30.
Samtang ginkumpirmar niya nga i-adoptar sang Sultan Kudarat ang South Cotabato Covid-19 Contact Tracing basi sa rekomendasyon sang mga myembro sang Provincial IATF.
Dugang pa niya nga ginarekomendar sa gihapon sang mga miyembro sang task force ang pagpatuman sang no movement kada adlaw sang Dominggo.
May-angot sini, ginaawhag ni Galinato ang katawhan nga padayon nga ipatuman ang mga health protocols batok COVID-19 kapareho sang pagsuksok sang faceshield kag face mask sa matawo nga lugar, hand washing kag iban pa.

Facebook Comments